او اَلینی یاناقدا کی قوشا خالینا آپاریب بارماق دا کی قیزیل اوزوگه باخارکن " نه شیرین دیر یارین جانی " دئییر و سئوگیلی سی نین شیرین دیل لرینی خاطیرلایاراق نازلانا – نازلانا کؤرپه مارالینی قوجاقینا آلیر . بوتون داغلار چیچه گی نین قوخوسو جانینا ایشله رکن اونو اؤپوری و اونا هئچ ده اولما سا بیر قوش قَدَر سعادت آرزولاییر .
15/02/2010
دیل سیز آغیز سیز بیری دئییل دی
.چوخ دا دیللی ایدی.بولبول گول دن آیریلا ن کیمی اودا ائل دن آیری ایدی . اوره گینده نه شنلیک وارایدی نه ده قولاغیندا بیر ساز سسی. اؤز وطنینده یاشا سادا اؤگئی دوغمالیق کیمی بیر دویغو دویوردی. بوینوبوکوک بیر غریب کی دیلی قیسا اولسادا هله ده دیلی نن اوره گی بیر ایدی . جاندان شیرین گول بالا سینی قیچی اوسته قویوب ییر قالارکن دیل اوجو اونو اوخشاییر دی: " بالاما جان دئمیشه م ، آغلاما جان دئمی شه م .بالام دیل آچان گونه ، قوزو قوربان دئمی شه م."
بو نغمه لر له جوشوب داشسا دا طبیعت قوینوندا بوی آتیب دیر چه لن گونلری یادینا دوشوردی و دیزه چیخان لاله لر ایچره ، قیز گلین لر له اَ ل اَ له وئریب
" یولوم دا دورما اوغلان . منه هردن سؤز آتیب اؤزونو یورما اوغلان !" دئیه رک دیل لردن دوشمه یه ن ماهنی لاری خاطیر لاییردی. داها او سؤز قوشان دیلی ، دیلیم دیلیم اولما سا دا دیندیر مه یینجه دینمه یه دیلی گلمیردی. لال اولما سادا سانکی چوخدان ایدی دیلی آلیشیب یانمیش دی. اوخویوب یازما قی آنا دیل ده اؤیره نمه دیگی اوچون ، کؤنلون دن چاغلایان یوزلرجه نغمه جالانیب دوداقینا ?خما دان ، آغ گؤیر چین لرین گوج له تیکانلی سیم لره دَییب دینمه دن جان وئرمک لری کیمی ، بوتون هیچقیرتی لاری تکجه بیر آها چئوریلیردی. آجیدان بیر آه کی هارای اولمادان ، یاش اولوب گؤزلر دن و قان اولوب سینه لر دن آخیردی. بونا گؤره ده اؤیره نمیشدی کی باشینی ساخلاماقا دیلینی ساخلا ما لیدی و گرک دی کی گاهدان ، دیل ده بیر شئی دئییب اوره ک ده باشقاسینی توتا .
دونن آمما قونشوسو ، اونون بوتون رویالارین پوزاراق دونیا سینی باشینا ییخمیشدی
. او " قو رخما دالی قالماز " دییه اونو ، جان جیگه ری اولان اوشاقینان آنا دیل ده دانیشما قینا خاطیر شماتت ائتمیشدی . او اؤلکه نین رسمی دیلیجه اوشاقلارین دیل آچیب بؤیو مه سین ایسته رکن بودا ایکی دیللی قالاراق نه دییه جه گینه تومموشدی. آنجاق دیلینه تکجه بیر سؤز گلمیشدی اودا بوکی " اؤز دیلیم دی شیرین دیلیم دی". کیم نه دئییر سه دئسین اوگرک ایدی کی بو گون دن دینمز لیگینی قورویاردی. داش لار دیله گلسه ده اودینمه مه لی ایدی. آناسی نین دا? آمما بو سؤزونو اونودانمیردی کی هئی دییه ردی : " دئدیم دینمه آی دیلیم . دئدی دینمز ایدیم ، دیندیردیلر دیندیم من ! "
قوش یوخولو جئیران بالاسینی یاتا قینا قویدوقدا ، پَنجَره یه ساری گئدیب دیشاری یا باخارکن ، گؤز ایشله دیکجه گؤیه ایشله یَن دام داش لار گؤردو
. بیر داها دا گؤ ی اوزه رینی آختاردی و بو آختاریش دا توتقون لوق گؤرسه ده تکجه بیر قوش دا گؤره نمه دی. قوشلاری دوشوندو و باغ باغاتی و دیلیندن دوشمه ین سئویملی نغمه لری اوخودوقجا قوشلارین دا دیله گلمه سینی .چمن لری گزه رک عطیرلی گول لرین درمه سینی خاطیرلادی و هر قوشون اؤزونه عایید شیرین – شیرین چه چَهینی .هم ده هر قوشون آزادلیق لا اؤز نغمه سی نن جوشما سینی . آمما ندنسه ا?نسانلار چوخ یئرده ، دیل آچیب دیله گلمه دن ، دیل لری باغلی و قلم لری سینیق اولورو مکتب سیز کیتاب یاشاما قا مجبور قالیرلار . یاد دیل لرده یازیب پوزماق اونلارین تکجه شانسی اولا راق اوزگون لوک ده کؤنول لرینی اوزور . نییه کی دیل اوره گین آچاری اولسادا، هر دیل له هر قیفیلی آچماق اولماز . دیل اَت دن دیر و هایانا دؤنده رسن دؤنر آمما آدام کی فقط اَت دئییل سوموک دئییل بلکه هم روح دور هم دویغو و هم ده لاپ چوخ ، سئوگی ایله عاطیفه .
او اَلینی یاناقدا کی قوشا خالینا آپاریب بارماق دا کی قیزیل اوزوگه باخارکن
" نه شیرین دیر یارین جانی " دئییر و سئوگیلی سی نین شیرین دیل لرینی خاطیرلایاراق نازلانا – نازلانا کؤرپه مارالینی قوجاقینا آلیر . بوتون داغلار چیچه گی نین قوخوسو جانینا ایشله رکن اونو اؤپوری و اونا هئچ ده اولما سا بیر قوش قَدَر سعادت آرزولاییر .گله جه گی خیالیندا قوراراق اونون دوغما دیل ده دیل آچماسینی گؤروری و حیات بختی نین ایگیدی ، سئویملی یاری نین آیاق سس لرینی دویور کی سارسیلماز ایراده ایله ، اَمه گیندن و تلا شیندان قازاندیقی حلال چؤره ک له قاپی یا یاخینلاشیر .
هاوا توتقون اولسادا ، کؤنلو هله آچیق ایدی و اونون صاف لیغینی توزلار دومانلار هله بولاندیرما میشدی
. فیکر ائدیردی کی دیل ایله زور ایله اولماز و هامی دیل بیر اولور سا ، هارای لاری گؤی دَلَن تیکینتی لر دن ده یوکسک اولار . او قَدَر یوکسک کی اوزاق دا کی قوشلار دا های لارینا های وئره ر لر ونغمه لری ، دییار – دییار لاله اولوب یئر اوزونو بَزه یَر لر. او داها قونشوسونو یوخ ، کؤنلون ده کی فرمانی دینله ییردی و سئوگیلی سی ، ائوین قاپی سینی آچاراق کؤلگه سی گول اولوب ،گول اوستونه گول دوشور
